“AFB Bank” 2023-cü ilin yanvar-sentyabr aylarında aktivlərini 7,9% - 304 milyon 624,11 min manata qədər artırıb. Bu barədə “İnterfaks-Azərbaycan” agentliyinə bankdan məlumat verilib.
Sentyabrın 30-na bankın kredit portfeli 169 milyon 619,88 min manata (2022-ci il dekabrın 31-nə olan göstərici ilə müqayisədə azalma 0,7% - İF), istehlak kreditləri 22 milyon 55,48 min manata (artım 15,6%), biznes kreditləri 90 milyon 341,23 min manata (azalma 11,1%), daşınmaz əmlak kreditləri 57 milyon 223,17 min manata (artım 14,2%) bərabərdir.
“AFB Bank”ın öhdəlikləri 225 milyon 906,19 min manat (artım 13,6%) təşkil edir. Bankdakı depozitlər 146 milyon 169,26 min manat (artım 25,8%), fiziki şəxslərin əmanətləri 53 milyon 632,21 min manat (artım 1,8 dəfə) məbləğindədir.
“AFB Bank”ın kapitalı 78 milyon 717,92 min manat (azalma 5,7%), nizamnamə kapitalı 70 milyon 393,455 min manat (dəyişməyib) təşkil edib.
2023-cü ilin yanvar-sentyabr aylarında fəaliyyətinin yekunları üzrə bankın xalis mənfəəti 6 milyon 292,98 min manat (azalma 1,8 dəfə) təşkil edib.
“AFB Bank” 2008-ci il noyabrın 28-də bank fəaliyyəti ilə məşğul olmaq üçün lisenziya alıb. Bankın səhmdarları 3 fiziki şəxsdir.*
X.Nəsirzadə