Fransa Ermənistana müdafiə xarakterli silahlar satacaq. Bu barədə Fransanın müdafiə naziri Sebastyan Lekornyu bəyan edib.
"Dövlət başçısı (Emmanuel Makron - İF) aydın şəkildə müəyyənləşdirib ki, bizim gündəliyimiz müdafiə silahlarının satışıdır, çünki Ermənistanla müzakirələrimiz məhz bu barədə olub. Mən bundan artıq heç nə deməyəcəyəm, amma bəzi silah növləri ilk növbədə, həyatın müdafiəsi və Ermənistanın təhlükəsizliyinin təminatına xidmət edə bilər", - Lekornyu Senatda Fransanın müdafiə büdcəsinin müzakirəsi zamanı bildirib. Bu barədə Ermənistan mətbuatı iclasdan videomateriala istinadən xəbər verir.
O senatorlara məlumat verib ki, Ermənistanın müdafiə naziri Suren Papikyanla əməkdaşlığın operativ və konkret tədbirlərinin yekunlaşdırılması məsələlərini müzakirə etmək niyyətindədir. **