Qazaxıstan Bakı Fond Birjası (BFB) ilə əməkdaşlıqda maraqlıdır. Bunu “Astana” Beynəlxalq Maliyyə Mərkəzinin İdarə Heyətinin sədri Temirlan Muxanbetjanov deyib.
“Azərbaycan bazarına çıxışa gəlincə, biz Azərbaycan şirkətlərinin maliyyə cəlb etmək üçün platformamızdan istifadə etməsində maraqlıyıq, belə bir imkan var”, - deyə o, bu gün Bakıda keçirilən Fintex Forumunda jurnalistlərə bildirib.
Muxanbetjanov qeyd edib ki, Azərbaycan brokerlərinə müraciət edərək Qazaxıstanın birja infrastrukturuna məsafədən çıxış imkanının olduğunu diqqətə çatdırıb.
“Azərbaycanda broker lisenziyasına malik olmaqla infrastrukturumuza qoşulmaq və müvafiq olaraq Azərbaycan bazarı üçün Qazaxıstan qiymətli kağızlarına çıxış yaratmaq mümkündür”, - deyə sədr bildirib.*
X.Nəsirzadə