İsrailin baş naziri Benyamin Netanyahu bəyan edib ki, Qəzza zolağındakı hərbi əməliyyatlarda gündəlik dörd saatlıq fasilə barədə razılıq tam atəşkəs demək deyil.
"Razılaşmadığımız yeganə məsələ atəşkəsdir. HƏMAS-la mübarizədə atəşkəs onun qarşısında təslim olmaq, terror qarşısında təslim olmaq deməkdir (...). Beləliklə, israilli girovların sərbəst buraxılmadan atəşkəs olmayacaq", - Netanyahu Fox News telekanalına müsahibəsində bildirib.
Baş nazir qeyd edib: "Düşmənə - HƏMAS-a, HƏMAS-ın terrorçularına qarşı hərbi əməliyyatlar davam edir, lakin müəyyən yerlərdə müəyyən müddətə, bir neçə saat burada, bir neçə saat orada mülki şəxslərin döyüş zonasından təhlükəsiz çıxmasını asanlaşdırmaq istəyirik. Və biz bunu edirik ".
O, İsrailin «Qəzzanı idarə etmək istəmədiyini, onu işğal etmək istəmədiyini», yalnız «ona və hamımıza Yaxın Şərqdə daha yaxşı gələcək təmin etmək» istədiyini təsdiqlədi.
«Bunun üçün isə HƏMAS-a qalib gəlmək lazımdır». Qarşımda məqsədlər qoydum. Mən qrafik qurmurdum, çünki bilirsiniz, bu daha çox vaxt ala bilər", - Netanyahu deyib.
İsrailin müdafiə naziri Yoav Qalant həmçinin brifinqdə bildirib: "Girovları geri qayrtarmayana qədər döyüş əməliyyatlarını dayandırmayacağıq. Biz nə lazımdırsa edəcəyik". **