ABŞ-ın dövlət katibi Entoni Blinken İsrailin hərbi kabinetinin naziri Benni Qantsla telefon danışığı zamanı İordan çayının Qərb sahilində gərginliyin azaldılması üçün tədbirlər görməyə çağırıb. Bu barədə Dövlət Departamenti məlumat yayıb.
Blinken İsraili İordan çayının Qərb sahilində gərginliyin azaldılması, o cümlədən məskunlaşanların ekstremist zorakılığının artması ilə mübarizə aparmaq üçün addımlar atmağa çağırıb.
Dövlət katibi, həmçinin Qəzza zolağına mühüm humanitar yardımın tranzitinin artırılması və sürətləndirilməsi üzrə səylərdən də bəhs edib.
Bundan başqa, Blinken və Qants münaqişənin genişlənməsinin qarşısının alınması və Qəzzada saxlanılan girovların azad edilməsi ilə bağlı səyləri müzakirə ediblər.*