İranın xarici işlər naziri Hüseyn Əmir Abdullahian Qəzza zolağında böhranın həllinin axtarışında RF-nin fəal iştirakına ümid edir. Bu barədə Mehr agentliyi məlumat verir.
Onun məlumatına görə, iranlı nazir bazar günü rusiyalı həmkarı Sergey Lavrovla telefon danışığı zamanı belə mövqe ifadə edib.
"Abdullahian Qəzza və İordanın Qərb sahilləri sakinlərinin etnik təmizlənməsinin və zorla köçürülməsinin qarşısının alınmasının vacibliyini vurğulayıb. O qeyd edib ki, Rusiya Yaxın Şərq regionunda sülhə nail olmaq və təhlükəsizliyin təmin edilməsi üçün daha fəal rol oynamalıdır", - agentlik İran Xarici Işlər Nazirliyinə istinadən yazır. **