İsrailin Qəzza zolağında hərbi əməliyyatından sonra yerli oyunçuların 7 oktyabr 2023-cü ildə baş verənlərin təkrarlanmasının qarşısını almaları lazım olacaq. Bu barədə Aİ diplomatiyasının rəhbəri Jozep Borrelin mətbuat katibi Peter Stano bəyan edib.
«Hazırki mərhələdə hələ heç bir nəticə və qərar yoxdur, lakin müzakirələr zamanı Qəzzada Fələstin administrasiyasının müəyyən forması ideyasının irəli sürülməsi lazımdır», - Stano bazar ertəsi Borrelin regiona başa çatan diplomatik səfərini şərh edərkən deyib.
Borrel noyabrın 16-dan 20-dək İsrail, Fələstin, Bəhreyn, Səudiyyə Ərəbistanı, Qətər və İordaniyaya səfər edib.
Stanonun sözlərinə görə, Qəzza zolağında İsrail administrasiyasının olmasını və ya bu cür münaqişədən sonra HƏMAS tərəfindən həyata keçirilən idarəetmənin davam etməsini təsəvvür etmək mümkün deyil.
"İstənilən halda, Fələstin administrasiyasının orada öz rolunu oynaya bilməsi lazımdır", - Borrelin nümayəndəsi məlumat verib.
«Ən yaxşı həll və böhrandan çıxış yolunu tapmaq üçün fikir mübadiləsi aparılır», - Stano davam edib.
O hesab edir ki, iki dövlətin birgəyaşayışı ilə bağlı qərar indiki vəziyyətdən çıxış üçün ən yaxşı yoldur, lakin mətbuat katibi Borrelin sözlərini təkrarlayaraq deyib ki, bununla bağlı 30 ildən çoxdur söhbət gedir, lakin hələ konkret bir şey edilməyib. Buna görə də prosesi sürətləndirmək vacibdir.
Bununla yanaşı, Borrelin nümayəndəsi israillilərin və fələstinlilərin bu prosesə cəlb olunmasının vacibliyini vurğulayıb. **