Azərbaycan “Vergitutma bazasının aşınması və mənfəətin köçürülməsinin qarşısının alınması məqsədilə Vergi Sazişi üzrə tədbirlərin həyata keçirilməsinə dair Çoxtərəfli Konvensiya”nı imzalayıb.
Azərbaycanın iqtisadiyyat naziri Mikayıl Cabbarov sosial şəbəkələrdə məlumat verib ki, sənəd İqtisadi Əməkdaşlıq və İnkişaf Təşkilatının (OECD) nümayəndələri ilə keçirilən görüşdən sonra imzalanıb.
Cabbarov vurğulayıb ki, tərəflər həmçinin əməkdaşlığın perspektivləri və potensial tərəfdaşlıq istiqamətlərinə dair fikir mübadiləsi aparıblar.
Hazırda vergi sazişlərinə aid edilən tədbirlərin icrası ilə bağlı vergitutma bazasının aşınması və mənfəətin köçürülməsinin qarşısının alınması üzrə Çoxtərəfli Konvensiyanı 100-dən çox ölkə imzalayıb. **
R.Əhmədov