“Şərqi Zəngəzur İqtisadi Rayonunda 1 Ssaylı Bərpa, Tikinti və İdarəetmə Xidməti” PHŞ Cəbrayıl rayonunun Horovlu kənd yaşayış məntəqəsinin yenidənqurulma layihəsi çərçivəsində kəndin ümumi şaquli planlaşdırılması üzrə topaq işlərinin aparılmasına "19 Ssaylı Tikinti Təmir İdarəsi" MMC-ni cəlb edib.
“İnterfaks-Azərbaycan” dövlət satınalmaları portalıa istinadən xəbər verir ki, MMC ilə 4 milyon 100,26 min manat dəyərində müvafiq müqavilə imzalanıb.
Xəbər verildiyi kimi, Azərbaycan prezidenti İlham Əliyev 2023-cü il mayın 4-də Cəbrayıl rayonunun Horovlu kəndinin təməlqoyma mərasimində iştirak edib.
Horovlu kəndinin layihələndirilən ümumi ərazisi 248,1 hektardır. Perspektivdə bu kənddə 3470 nəfərin (867 ailə) yaşaması nəzərdə tutulub.
Birinci mərhələdə Horovluya 1395 nəfərin köçürülməsi üçün 334 fərdi ev tikiləcək. İnşa ediləcək evlər iki, üç, dörd və beş otaqlı olacaq.
Baş plana əsasən, köhnə Horovlunun ərazisini əhatə edən bu kənd ərazi vahidinə görə bir-birinə yaxın olan Çapand, Safarşa, Fuğanlı və Həsənqaydı kəndləri ilə birlikdə layihələndirilib.
Kəndin dayanıqlı su təchizatını təmin etmək məqsədilə burada əvvəllər mövcud olmuş kəhrizlərin bərpası üçün layihə də həyata keçirilir. **
X.Nəsirzadə