Macarıstanın xarici işlər və ticarət naziri Peter Siyarto, Azərbaycanın əmək və əhalinin sosial müdafiəsi naziri Sahil Babayev, həmçinin digər rəsmi şəxlər cümə günü Cəbrayıl rayonunun Soltanlı kəndinin təməlqoyma mərasimində iştirak ediblər.
Soltanlı kəndinin Baş planı layihəsi Azərbaycanın Dövlət Şəhərsalma və Arxitektura Komitəsinin sifarişi əsasında Macarıstanın "KESZ" şirkətlər qrupu və Bakı Dövlət Layihə İnstitutu tərəfindən hazırlanıb.
Soltanlı kəndi Araz çayının sahilində, Horadiz-Cəbrayıl-Zəngilan-Ağbənd yolunun üzərində yerləşir. Beynəlxalq nəqliyyat dəhlizinin bir hissəsini təşkil edən Əhmədbəyli-Horadiz-Mincivan-Ağbənd avtomobil yolu kəndin şimal hissəsinə bitişik ərazidən keçir. Həmçinin "Araz Vadisi İqtisadi Zonası" Sənaye Parkı Soltanlının yaxınlığında yerləşir.
Ümumi sahəsi398,82hektar olan kənddə6,1 min nəfərdən ibarət1,525min ailənin yaşaması üçün 1,044 minmənzildən ibarət4və5mərtəbəli çoxmənzilli yaşayış binaları və 496fərdi yaşayış evinin tikintisi planlaşdırılır. Birinci mərhələdə 78hektar ərazidə 1 336sakinin yaşayışını təmin etmək məqsədilə315fərdi evtikiləcək.
Həmçinin, inzibati bina, klub-icma mərkəzi, məktəb binası, bağça, xəstəxana, idman-sağlamlıq mərkəzi, hotel, ticarət və ictimai-iaşə obyektlərinin inşası planlaşdırılıb. Burada tikintisi nəzərdə tutulan yaşayış evləri və sosial obyektlərin memarlıq-planlaşdırma və mühəndis-texnoloji həllərində "ağıllı kənd" yanaşmaları tətbiq olunacaq.
Əhalinin məşğulluğunun təmin edilməsi məqsədilə baş planda kənd təsərrüfatı məhsullarının saxlanma anbarları, qablaşdırma və toxuculuq sexi, sənətkarlıq emalatxanaları, iri və xırda buynuzlu heyvanların saxlandığı fermalar və digər müəssisələr üçün ərazilər nəzərdə tutulub. **
X.Nəsirzadə