Bakı ilə Moskva arasında sıx əməkdaşlıq mövcuddur. Bunu Azərbaycanın xarici işlər naziri Ceyhun Bayramov dekabrın 5-də Moskvada Rusiya Federasiyasının xarici işlər naziri Sergey Lavrovla görüşü zamanı deyib.
C.Bayramovun sözlərinə görə, Bakı və Moskva arasında yüksək səviyyədə siyasi dialoq və sıx əməkdaşlıq qurulub.
O qeyd edib ki, 2022-ci il iqtisadi əməkdaşlıq baxımından müsbət il olub, ticarət dövriyyəsində 24 faizlik artım müşahidə olunub. “2023-cü il üzrə yekun rəqəmlər hələ yoxdur, lakin ümumi tendensiya il sonuna dinamikanın müsbət olacağını göstərir”, - deyə XİN başçısı əlavə edib.
C.Bayramov qeyd edib ki, Azərbaycan və Rusiya humanitar və regional təhlükəsizlik məsələlərinə mühüm əhəmiyyət verir. Onun sözlərinə görə, Moskvada danışıqlar zamanı Bakı-İrəvan münasibətlərinin normallaşması və “3+3” regional formatının müzakirə edilməsi planlaşdırılır.*
R.Kərimov