Azərbaycan prezidenti İlham Əliyev bəyan edib ki, hazırda Bakı və İrəvan arasında münasibətlərin normallaşdırılması üzrə “Brüssel formatı”nda yeni görüşün keçirilməsi ətrafında müzakirələr aparılır.
“Şəxsən mən və Azərbaycan Şarl Mişelin səylərini hər zaman dəstəkləmişik ki, Ermənistan-Azərbaycan münaqişəsinə son qoyulsun. Onun tərəfindən Brüsseldə bir neçə görüş təşkil edilib. Biz indi mümkün yeni görüşü müzakirə edirik”, - Əliyev çərşənbə günü Bakıda “Qarabağ: 30 ildən sonra evə dönüş. Nailiyyətlər və çətinliklər” Forumunun iştirakçılarının suallarına cavabında bildirib.
Xəbər verildiyi kimi, sonuncu dəfə Azərbaycan prezidenti, Ermənistanın baş naziri və Avropa İttifaqı Şurasının prezidenti 2023-cü ilin iyul ayında Brüsseldə üçtərəfli formatda görüşüblər. Oktyabr ayınrda daha bir görüşün keçirilməsi planlaşdırılsa da, baş tutmayıb. **
R.Əhmədov