Ermənistanın xarici işlər naziri Ararat Mirzoyan noyabrın 30-da Skopyedə Rusiyanın xarici işlər naziri Sergey Lavrovla görüşünü səmərəli adlandırıb.
«Düşünürəm ki, görüş səmərəli olub», - Mirzoyan çərşənbə günü parlamentdə «hökumət saatı» çərçivəsində bildirib.
Onun sözlərinə görə, «Ermənistanla Rusiya arasında ikitərəfli münasibətlərin gündəliyinə bir çox məsələlər və sahələr daxildir, regional məsələlərdə bizim oxşar və ya kəsişən maraqlarımız var».
"Bu səbəbdən, Rusiya ilə hər zaman müzakirə ediləcək nə isə var. Biz hər zaman bu cür təmaslar üçün bütün fürsətləri məmnunluqla istifadə edirik", - Mirzoyan qeyd edib.
O məlumat verib ki, Lavrov Rusiyanın «bəzi son hadisələr, geosiyasi inkişafla” əlaqədar nöqteyi-nəzərini təqdim edib.
«Biz isə Rusiyanın müxtəlif həssas məsələlər ətrafındakı mövqeyi ilə bağlı düşündüklərimizi bölüşdük», - Ermənistanın xarici işlər naziri bildirib.
Xəbər verildiyi kimi, Lavrov Skopyedə ATƏT Xarici İşlər Nazirləri Şurası çərşivəsində Mirzoyanla görüş keçirib.
Görüş mətbuata qapalı formatda keçirilib. **