Azərbaycan prezidenti İlham Əliyev Azərbaycan Respublikası Prezidentinin Administrasiyası və Ermənistan Respublikası Baş nazirinin Aparatı arasında qəbul olunmuş birgə bəyanatı qarşılıqlı sülh gündəliyinin irəli aparılması və Bakı və İrəvan arasında münasibətlərin normallaşdırılması üçün qarşılıqlı siyasi iradənin bir daha nümayişi kimi xarakterizə edib.

Bu barədə Əliyev cümə günü Avropa Şurasının Baş katibi Mariya Peyçinoviç Buriçi qəbuledərkən bəyan edib.

“Prezident qeyd etdi ki, Azərbaycan Respublikası Prezidentinin Administrasiyası və Ermənistan Respublikası Baş nazirinin Aparatı arasında qəbul olunmuş birgə bəyanat qarşılıqlı sülh gündəliyinin irəli aparılması və ölkələrimiz arasında münasibətlərin normallaşdırılması üçün qarşılıqlı siyasi iradənin bir daha nümayişidir”, - Azərbaycan dövlət başçısının saytındakı məlumatda qeyd olunur.

Əliyevin fikrincə, Avropa Şurası Azərbaycan və Ermənistan arasında etimad quruculuğu proseslərinə töhfə vermək üçün çox yaxşı platformadır.

Həmçinin Əliyev qeyd edib ki, “Azərbaycan ilə Avropa Şurası arasında bu illər ərzində çox sıx əməkdaşlığın formalaşıb”.

Öz növbəsində, Peyçinoviç Buriç bəyan edib ki, “Azərbaycanın 2001-ci ildən Avropa Şurasının dəyərli üzvüdür”. O, Azərbaycan tərəfindən Avropa Şurasının bir çox konvensiyasının imzalandığını və ratifikasiya edildiyini, bir müddət əvvəl Azərbaycan tərəfinin Avropa Şurasının İnsan orqanlarının alverinə qarşı Konvensiyasını imzaladığını xatırladı və bütün bunları müsbət addım kimi dəyərləndirdi.

Avropa Şurasının baş katibi qeyd etdi ki, prezident İlham Əliyevin rəhbərliyi ilə Azərbaycanda həyata keçirilən islahatları yüksək qiymətləndirir.

Azərbaycanın Cənubi Qafqaz regionunda davamlı sülhün təmin edilməsi istiqamətində atdığı addımları təqdir etdiklərini deyən Peyçinoviç Buriç bu xüsusda “Azərbaycan Respublikası Prezidentinin Administrasiyası və Ermənistan Respublikası Baş nazirinin Aparatı arasında qəbul olunmuş birgə bəyanatı və bundan irəli gələn məsələləri, xüsusilə iki ölkə arasında etimad quruculuğu tədbirləri istiqamətində atılan addımları yüksək qiymətləndirdiklərini” bildirdi,

O, Azərbaycan ilə Ermənistan arasında etimad quruculuğu proseslərinə Avropa Şurasının töhfə verməyə hazır olduğunu vurğuladı.

Məlumatda deyilir ki, söhbət zamanı AŞPA-da Azərbaycan və Ermənistan parlament nümayəndə heyətləri arasında da əlaqələrin və konstruktiv dialoqun vacibliyi bildirildi. Praktiki sahələrdə Azərbaycan ilə Avropa Şurası arasında əməkdaşlığın inkişaf etdiyi qeyd olundu. **

R.Kərimov