Bakıda Azərbaycan və Rusiyanın xarici işlər naziriıləri Araz Əzimov və Aleksandr Qruşko arasında regional və Avropa təhlükəsizliyi məsələri üzrə məsləhətləşmələr aparılıb. Bu barədə RF XİN məlumat verir.
“21-22 dekabr tarixlərində Rusiya Federasiyası xarici işlər nazirinin müavini A.Qruşko Bakıda Azərbaycan Respublikası xarici işlər nazirinin müavini A.Əzimov ilə regional və Avropa təhlükəsizliyi məsələləri üzrə XİN-lərarası məsləhətləşmələr aparıb”, - məlumatda deyilir.
“İnterfaks-Azərbaycan” RF XİN-ə istinadən xəbər verir ki, həmçinin Qruşko Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev, Azərbaycan Respublikası Prezidentinin xüsusi tapşırıqlar üzrə nümayəndəsi Elçin Əmirbəyov və Milli Məclisinin Beynəlxalq məsələlər və parlamentlərarası əlaqələr komitəsinin sədri Səməd Seyidovilə görüşüb.
“Cənubi Qafqaz və Avropanın təhlükəsizliyi sahəsində mövcud vəziyyət, o cümlədən ATƏT-də qarşılıqlı fəaliyyət, Avropa Şurasındakı vəziyyət, ölkələrimizin Avropa İttifaqı və NATO ilə münasibətləri ətrafında geniş fikir mübadiləsi aparılıb”, - deyə RF XİN-dən məlumat verilib ki, görüş zamanı həmçinin ikitərəfli və beynəlxalq gündəlikdəki aktual məsələlərə toxunulub.
“Cənubi Qafqazda sabitliyin və təhlükəsizliyin qorunmasında region dövlətlərinin aparıcı rolu və xüsusi məsuliyyəti vurğulanıb. Hər iki tərəf regional və Avropa təhlükəsizliyi məsələləri üzrə sıx dialoqun davam etdirilməsinə sadiq olduqlarını təsdiqləyib”, - RF XİN-dən əlavə olunub. **
R.Kərimov