2023-cü ildə “Naxçıvanbank” ASC-nin aktivləri 40,5% - 206 milyon 208,5 min manata qədər azalıb. Bu barədə “İnterfaks-Azərbaycan” agentliyinə bankdan məlumat verilib.
2023-cü il dekabrın sonuna bankın kredit portfeli 130,719 milyon manat (2022-ci ilin sonuna olan göstərici ilə müqayisədə azalma 24,7% - İF) təşkil edib.
Bankın öhdəlikləri 144 milyon 254,75 min manata (azalma 38,4%), depozitlər 63,419 milyon manata (azalma 2,5 dəfə), əhalinin əmanətləri 3,248 milyon manata (azalma 3,2 dəfə) bərabərdir.
“Naxçıvanbank”ın kapitalı 61 milyon 953,75 min manat (azalma 1,8 dəfə), nizamnamə kapitalı 43,999 milyon manat (azalma 2,1 dəfə) təşkil edir.
2023-cü ildə bankın xalis mənfəəti 13 milyon 129,97 min manat təşkil edib ki, bu da ötən ilin müvafiq dövrünün göstəricisindən 0,6% çoxdur.
“Naxçıvanbank” 2008-ci ilin avqust ayında bank fəaliyyətinin həyata keçirilməsi üçün lisenziya alıb. Bankın səhmdarları fiziki şəxslərdir.*
X.Nəsirzadə