Türkiyə hərbçiləri Suriya və İraqdakı kürd birləşmələrinə qarşı hücumları təhdid tamamilə aradan qaldırılmayana qədər dayandırmayacaqlar. “Asssociated Press” (AP) xəbər verir ki, bunu Türkiyə Prezidenti Rəcəb Tayyib Ərdoğan bu gün televiziya ilə müraciətində deyib.
“İraqın şimalında terror yuvasına çevrilmiş ərazilərin təhlükəsizliyi təmin edilənə qədər əməliyyatlarımız davam edəcək. Biz Suriyada terrorçuların sığınacaqlarını tamamilə məhv etmədən dayanmayacağıq”, - deyə Ərdoğan bildirib.
Onun sözlərinə görə, son 5 gün ərzində Türkiyə HHQ Suriya və İraqda 114 hədəfi vurub. Eyni zamanda, Türkiyə kəşfiyyatı tərəfindən əməliyyatlar zamanı 60 obyekt məhv edilib.*