Ermənistanın baş naziri Nikol Paşinyan ölkənin yeni Konstitusiyasının yaradılmasının vacibliyini bildirib.
"Ermənistan Respublikasının yeni Konstitusiyaya ehtiyacı var. Konstitusiya dəyişiklikləri yox, yeni Konstitusiya", - Paşinyan cümə günü Ermənistan Ədliyyə Nazirliyinin əməkdaşları ilə görüşdə deyib.
Bununla yanaşı, o qeyd edib ki, ölkənin parlament idarəetmə forması «demokratik istəklərimizi və strategiyamızı nəzərə alaraq Ermənistan üçün ən əlverişlidir».
Paşinyan vurğulayıb ki, Ədliyyə Nazirliyi Azərbaycan ilə sərhədin delimitasiyası üzrə komissiyanın işinə cəlb olunub və dəyişən region şəraitində «Ermənistanın təhlükəsizliyinin təminatının təməl daşı legitimlikdir». **