Türkiyə Böyük Millət Məclisinin üzvləri İsveçin NATO-ya üzvlüyünün ratifikasiya edilməsinin lehinə səs veriblər. Bu barədə “Anadolu” agentliyi xəbər verir.
“Türkiyə parlamenti İsveçin NATO-ya üzvlüyü ilə bağlı qanun layihəsini təsdiq edib”, - deyə məlumatda bildirilir.
Sənədin lehinə 287, əleyhinə isə 55 deputat səs verib.
Növbəti mərhələdə sənəd Türkiyə Prezidenti Rəcəb Tayyib Ərdoğan tərəfindən imzalanmalıdır.
Ratifikasiya prosesi başa çatdıqdan sonra İsveçin üzvlüyünü hələ təsdiq etməyən yeganə NATO ölkəsi Macarıstan olacaq.*