Yanvarın 26-da Azərbaycandan Rusiyaya 306 min ədəd ərzaqlıq yumurta tədarük edilib.
“İnterfaks-Azərbaycan” agentliyi Rusiyanın Baytarlıq və Fitosanitar Nəzarəti üzrə Federal Xidmətinə (“Rosselxoznadzor”) istinadən xəbər verir ki, yanvarın 26-da “Yaraq-Qazmalar” keçid məntəqəsi vasitəsilə Azərbaycandan Rusiyaya sonrakı satış üçün 18 ton (306 min ədəd) həcmində növbəti mal partiyası gətirilib.
Yüklər müvəqqəti saxlama anbarına daxil olduqdan sonra qida məhsullarının keyfiyyətini və təhlükəsizliyini təmin etmək üçün nümunələr götürülüb.
“Yanvarın 26-na olan məlumata görə, Azərbaycandan Rusiyaya 4,5 milyon ədəd ərzaqlıq yumurta tədarük olunub”, - deyə məlumatda vurğulanır.
Azərbaycan Rusiyaya yumurta ixracına 2023-cü il dekabrın 19-da başlayıb.*
R.Əhmədov