Yanvarın 27-də Azərbaycandan Rusiyaya 612 min ədəd ərzaq yumurtası tədarük edilib.
“İnterfaks-Azərbaycan” agentliyi Rusiyanın Baytarlıq və Fitosanitar Nəzarəti üzrə Federal Xidmətinə (“Rosselxoznadzor”) istinadən xəbər verir ki, yanvarın 27-də “Yaraq-Qazmalar” keçid məntəqəsi vasitəsilə Azərbaycandan Rusiyaya sonrakı satış üçün 36 ton (612 min ədəd) həcmində ərzaq yumurtasının növbəti partiyası gətirilib.
Yüklər müvəqqəti saxlama anbarına daxil olduqdan sonra qida məhsullarının keyfiyyətini və təhlükəsizliyini təmin etmək üçün nümunələr götürülüb.
“Yanvarın 27-nə olan məlumata görə, Azərbaycandan Rusiyaya 5,2 milyon ədəd ərzaq yumurtası tədarük olunub”, - deyə məlumatda vurğulanır.
Azərbaycan Rusiyaya yumurta ixracına 2023-cü il dekabrın 19-da başlayıb.*
R.Əhmədov