Rusiya ABŞ-ın İraq və Suriya ərazisinə hava hücumlarını pisləyib, vəziyyətə BMT Təhlükəsizlik Şurası tərəfindən baxılmasının lehinə çıxış edib.
"Biz suveren dövlətlərə qarşı ABŞ-Britaniya təcavüzünün yeni dəhşətli aktını qəti şəkildə pisləyirik. Yaranmış vəziyyətə BMT Təhlükəsizlik Şurasının xətti ilə təcili baxılmağa çalışırıq", - Rusiya Xarici İşlər Nazirliyinin rəsmi nümayəndəsi Mariya Zaxarovanın şənbə günü nazirliyin saytında yerləşdirdiyi şərhdə deyilir.
Deyilir ki, ABŞ öz hərəkətləri ilə Yaxın Şərq ölkələrini münaqişəyə cəlb etməyə çalışır.
"Aydındır ki, hava hücumları münaqişəni daha da qızışdırmaq üçün nəzərdə tutulub. Son vaxtlar İraq və Suriyadakı İran yönümlü qruplaşmaların obyektlərinə demək olar ki, fasiləsiz hücum edərək ABŞ məqsədyönlü şəkildə bölgənin ən böyük ölkələrini münaqişəyə cəlb etməyə çalışır ", - şərhdə bildirilir.
Şərhdə ABŞ-ın bölgədəki ziddiyyətləri daha da ağırlaşdırdığı rəyi ifadə olunub: "Son hadisələr təsdiqləyir ki, ABŞ regionda problemlərin həllini axtarmır və heç zaman axtarmayıb. Yaxın Şərqdə vəziyyət, xroniki ziddiyyətlər daha da ağırlaşdığı zaman bu Vaşinqtonuna həmişə əl verir". **