2023-cü ilin yekunları üzrə Azərbaycanla Avropa İttifaqı (Aİ) ölkələri arasında ticarət dövriyyəsi 2022-ci illə müqayisədə 35,3% azalaraq 21,4 milyard avro təşkil edib. Bu barədə “İnterfaks-Azərbaycan” agentliyi Aİ Statistika İdarəsinin (Avrostat) məlumatına istinadən xəbər verir.
2023-cü ildə ticarət dövriyyəsinin azalması 2022-ci ilə nisbətən neft və qaz qiymətlərinin daha aşağı olması ilə əlaqədardır ki, bu da ticarət dövriyyəsinin əsasını təşkil edir.
Statistik məlumatlara görə, 2023-cü ilin birinci rübündə xarici ticarətin həcmi 5,9 milyard avro (ildən ilə azalma 3,4%), II rübdə 5,5 milyard avro (azalma 28,3%), III rübdə 5 milyard avro (azalma 2,1 dəfə), IV rübdə 5 milyard avro (azalma 43,7%) təşkil edib.
2023-cü ilin yekunları üzrə Aİ ölkələri arasında Azərbaycanın əsas ticarət tərəfdaşları İtaliya (12,3 milyard avro, azalma 40,3%), Yunanıstan (1,32 milyard avro, azalma 45,1%), Çexiya (1,4 milyard avro, azalma 4,3%), Almaniya (1,36 milyard avro, azalma 37,8%) və İspaniya (0,9 milyard avro, azalma 36,2%) olub.
2023-cü ildə Azərbaycandan Aİ ölkələrinə ixrac 19,1 milyard avro (azalma 38,6%), o cümlədən I rübdə 5,3 milyard avro (azalma 8,2%), II rübdə 4,9 milyard avro (azalma 1,5 dəfə), III rübdə 4,4 milyard avro (azalma 2,2 dəfə), IV rübdə 4,5 milyard avro (azalma 45,7%) təşkil edib.
2023-cü ildə Aİ ölkələrindən Azərbaycana idxal 2,3 milyard avro (artım 14,4%), o cümlədən I rübdə 0,6 milyard avro (artım 1,7 dəfə), II rübdə 0,6 milyard avro (artım 30,9%), III rübdə 0,6 milyard avro (artım 11,3%), IV rübdə 0,58 milyard avro təşkil edib.
Beləliklə, 2023-cü ildə Aİ ölkələri ilə idxal-ixrac münasibətlərində Azərbaycanın müsbət saldosu 16,8 milyard avro (azalma 42,3%) təşkil edib. **
R.Kərimov