Məcburi Köçkünlərin Sosial İnkişaf Fondu Malıbəyli kəndində (Qarabağ regionu) layıhələndirmə işlərinə dair “Azərmemarlayihə” Dövlət Baş Layihə İnstitutu ilə 1 milyon 449,04 min manat ümumi məbləğdə iki müqavilə imzalayıb.
“İnterfaks-Azərbaycan” dövlət satınalmaları portalına istinadən xəbər verir ki, institut ilə bağlanmış birinci müqaviləyə Şuşa rayonu Malıbəyli kəndində yerləşən yaşayış kompleksinin (14 bina) layihələndirilməsi daxildir. Müqavilənin dəyəri – 457,25 min manatdır.
İkinci müqavilənin predmeti Şuşa rayonu Malıbəyli qəsəbəsinin yenidənqurulmasının layihələndirilməsidir.
İmzalanmış müqavilənin dəyəri – 991,79 min manatdır.
Müqavilələr üzrə işlər 11 noyabr 2024-cü ilə qədər tamamlanmalıdır. **
X.Nəsirzadə