Böyük Britaniya Niderlandın Baş naziri Mark Rüttenin NATO-nun baş katibi vəzifəsinə seçilməsini dəstəkləyir və onu bu vəzifəyə ən uyğun namizəd hesab edir. Bu barədə Sky News telekanalı Britaniya XİN-də mənbəyə istinadən xəbər verir.
"Böyük Britaniya Rüttenin NATO-nun baş katibi vəzifəsinə Yens Stoltenberqin yerinə keçməsini tam dəstəkləyir. Rütte Alyansda böyük hörmətə, müdafiə və təhlükəsizlik sahəsində ciddi təcrübəyə malikdir, o Alyansın güclü və müdafiəyə hazır qalmasını təmin edəcək", - telekanal adı açıqlanmayan məmurun sözlərindən sitat gətirir.
Beləliklə, “Sky News”un həmsöhbətinin sözlərinə görə, London Rütteni Şimali Atlantika Alyansının baş katibi vəzifəsinə ideal namizəd hesab edir. **