Türkiyənin istehsal etdiyi 5-ci nəsil KAAN qırıcı təyyarəsi 2028-ci ilin sonuna ölkənin Hərbi Hava Qüvvələrinin silahlanmasına daxil olacaq. Bu barədə prezident Rəcəb Tayyip Ərdoğan bəyan edib.
“KAAN-ın 2028-ci ilin sonuna ölkəmizin Hərbi Hava Qüvvələrinin silahlanmasına daxil ediləcəyi planlaşdırılır”, - Ərdoğan cümə axşamı Dənizli şəhərində çıxışında bildirib.
«Türkiyə Əsri» konsepsiyamızın mühüm sütunlarından biri müdafiə sənayesi və texnologiyalarının ən yüksək səviyyəyə qaldırılmasıdır. Biz bu sahədə daim təkmilləşirik", - Ərdoğan vurğulayıb.
Çərşənbə günü beşinci nəsil KAAN qırıcı təyyarəsinin ilk sınaq uçuşu həyata keçirilib. **