Azərbaycan prezidenti İlham Əliyev cümə günü İtaliyanın ətraf mühit və enerji təhlükəsizliyi naziri Cilberto Piketto-Fratini qəbul edib. Bu barədə Azərbaycanın dövlət başçısının saytında məlumat verilir.
Piketto-Fratin Cənub Qaz Dəhlizi Məşvərət Şurası çərçivəsində nazirlərin 10-cu və Yaşıl Enerji Məşvərət Şurası çərçivəsində nazirlərin 2-ci iclaslarında iştirak edir.
Nazir qeyd edib ki, bu il İtaliya G7 formatının rəhbəri qismində çıxış edir, bu əməkdaşlıq formatında COP29-a ev sahibliyi edən Azərbaycan tərəfinin G7 ölkələrinin ekologiya və mineral ehtiyatlar nazirlərinin xüsusi görüşünə qatılmasının vacibliyini bildirdi və bununla bağlı dəvəti çatdırdı.
Məlumatda deyilir ki, görüşdə ölkələrimiz arasında iqtisadi əlaqələrə toxunuldu, çox sayda İtaliya şirkəti, o cümlədən “Ansaldi”, “Leonardo”, “Maire Tecnimont” və bir sıra digər şirkətlərin Azərbaycan ilə əməkdaşlıq etməsi, işğaldan azad olunmuş ərazilərimizdə (Qarabağ və Şərqi Zəngəzurda - İF) İtaliya şirkətlərinin fəaliyyət göstərməsi məmnunluqla qeyd olundu.
“Söhbət zamanı əməkdaşlığın perspektivləri ilə bağlı fikir mübadiləsi aparıldı”, - məlumatda qeyd olunur. **
R.Kərimov