“Azərbaycan Dəmir Yolları” (ADY) QSC Novruz bayramı günləri üçün Bakı–Qəbələ–Bakı marşrutu üzrə əlavə 10 qatar reysi təyin edib.
“Artan sərnişin tələbatının qarşılanması məqsədilə təyin edilmiş əlavə reyslər hər gün müasir “Stadler” qatarları ilə həyata keçiriləcək”, - deyə ADY-dən bildirilib.
Belə ki, 20-26 mart tarixlərində Bakı-Qəbələ-Bakı marşrutu üzrə sürətli sərnişin qatarı hər gün saat 07:30-da Bakı Dəmiryol Vağzalından Qəbələyə, saat 19:00-da isə Qəbələ Dəmiryol Vağzalından Bakıya yola düşəcək.
Hazırda Bakı–Qəbələ–Bakı sürətli sərnişin qatarı həftənin şənbə və bazar günləri hər iki istiqamət üzrə hərəkət edir.
Biletləri dəmiryol vağzallarının kassalarından, ADY-nin rəsmi saytından (www.ady.az) və ya “ADY Mobile” tətbiqi vasitəsilə onlayn əldə etmək mümkündür.*
N.Abbasova