2024-cü ilin yanvar-fevral aylarında Azərbaycanda elektrik enerjisinin istehsalı ötən ilin müvafiq dövrü ilə müqayisədə 5,7% artaraq 4 milyard 872 min kVt·st olub. Bu barədə Dövlət Statistika Komitəsinin məlumatında deyilir.
Əmtəəlik elektrik enerjisinin istehsal həcmi 4 milyard 732,2 milyon kVt·st (artım 6%) olub.
İstilik elektrik stansiyalarında 4 milyard 599,2 milyon kVt·st (artım 6,9%), su elektrik stansiyalarında 115,9 milyon kVt·st (azalma 20,6%) elektrik enerjisi istehsal edilib.
Hesabat dövründə külək elektrik stansiyalarında 8,9 milyon kVt·st (azalma 5,3%), günəş elektrik stansiyalarında 8,2 milyon kVt·st elektrik enerjisi (artım 9,3%) istehsal edilib.*
N.Abbasova