İlkin məlumata görə, “Crocus City Hall” kompleksində terror aktı nəticəsində 40 nəfər ölüb, 100-dən çox insan xəsarət alıb. Bu barədə Rusiya Federal Təhlükəsizlik Xidməti məlumat yayıb.
Xəsarət alanlara yardım göstərilməsi üçün bütün mümkün tədbirlər görülür.
Xüsusi xidmət orqanları tərəfindən əməliyyat-axtarış tədbirləri həyata keçirilir.
Xatırladaq ki, bu gün axşam saatlarında naməlum silahlı şəxslər Krasnoqorskdakı “Crocus City Hall” konsert zalında atəş açıblar, daha sonra binada yanğın başlayıb.
Rusiya İstintaq Komitəsinin Baş İstintaq İdarəsi RF Cinayət Məcəlləsinin 205-ci maddəsi (terror aktı) ilə cinayət işi açıb.*