2023-cü ildə Azərbaycanın tədiyə balansının cari əməliyyatlar hesabının profisiti $8,3 milyard təşkil edib. Bunu Azərbaycan Mərkəzi Bankının (AMB) Statistika Departamentinin direktoru Samir Nəsirov deyib.
“2023-cü ilin nəticələrinə əsasən, tədiyə balansının cari əməliyyatlar hesabının profisiti $8,3 milyard və ya ÜDM-in 11,5%-ni təşkil edir”, - Nəsirov cümə günü brifinqdə bildirib.
Onun sözlərinə görə, 2022-ci ilin müvafiq dövrü ilə müqayisədə profisit 64,7%və ya 2,8 dəfə azalıb ki, bu da 2023-cü ildə dünya bazarında neft və qazın ucuzlaşması ilə əlaqədardır.
Xəbər verildiyi kimi, 2022-ci ildə Azərbaycanın tədiyə balansının cari əməliyyatlar hesabının profisiti rekord $23 milyard 478,1 milyon (2021-ci ilin göstəricisindən +2,8 dəfə) və ya yüksək neft və qaz qiymətləri fonunda ÜDM-in 23,5%-ni təşkil edib. **
X.Nəsirzadə