Bu gün Ermənistan və Azərbaycan sülhə heç vaxt olmadığı qədər yaxındırlar. Bu barədə Azərbaycan Respublikası Prezidentinin köməkçisi - Prezident Administrasiyasının xarici siyasət məsələləri şöbəsinin müdiri Hikmət Hacıyev bəyan edib.
İndi Ermənistan və Azərbaycan sülhə heç vaxt olmadığı qədər yaxındırlar. Son altı ayda Ermənistan-Azərbaycan sərhədində iki ölkə tarixində ən sakit dövrlərdən biri olub", - Hacıyev Çinin “Phoenix TV” telekanalına müsahibəsində deyib.
Əliyevin köməkçisi qeyd edib ki, Azərbaycan Cənubi Qafqaz regionunu sülh və əməkdaşlıq regionuna çevirməyə çalışır, Ermənistanla müvafiq saziş imzalamq təşəbbüsü ilə çıxış edib və sülh sazişinin mətnini hazırlayıq, sülh sazişinin əsasını təşkil edən 5 prinsipi irəli sürüb.
Onun sözlərinə görə, Azərbaycan və Ermənistan sülh sazişi məsələsində “yaxşı irəliləyiş əldə edir”, lakin Bakının yanaşması ondan ibarətdir ki, sülh bu iki ölkə arasında olmalıdır, “çünki bu region bizə məxsusdur”. Vaşinqtonda, Brüsseldə, Parisdə yox, iki ölkə arasında Cənubi Qafqaz regionunda sülh təmin edilməlidir”, - Hacıyev qeyd edib.
Prezidentin köməkçisinin sözlərinə görə, eyni zamanda Fransa kimi ölkələr bir tərəfdən Ermənistanı silahlandırır, digər tərəfdən sülhdən danışır, «bu, sülh prosesi üçün faydalı ola bilməz, çünki bu ölkələr artıq tərəfdirlər”.
Hacıyev əlavə edib ki, həmçinin Azərbaycan barəsində birtərəfli mövqe tutan ABŞ-nin bəzi bəyanatarı və hərəkətləri rəsmi Bakını məyus edir.
O bildirib ki, Azərbaycan dəstək təkliflərini yüksək qiymətləndirir, lakin bu vəziyyətdə “hər hansı vasitəçiliyə ehtiyac olduğunu hesab etmir». **
R.Kərimov