Bakının Suraxanı rayon Polis İdarəsinin əməkdaşları operativ tədbirlər nəticəsində iri silsilə oğurluqda şübhəli bilinən paytaxt sakini Nurlan Əmiraslanovu həbs ediblər. Bu barədə “İnterfaks-Azərbaycan” agentliyinə İdarədən məlumat verilib.

Belə ki, saxlanılan şəxs Vahid küçəsində yerləşən mənzildən oğurluqda şübhəli bilinir. Buradan N.Əmiraslanov $5 min və 2,3 min manat çıxarıb. Bundan başqa, o Suraxanı rayonunda daha iki mənzilin qarətində şübhəli bilinir. Birindən qarətçi 1,260 min manat, digərindən – 2,5 min manat və zərgərlik məmulatları oğurlayıb.