İranın Azərbaycandakı yeni səfiri Möhsin Pak Ayin cümə günü Bakıya gələcək. Bu barədə İranın Azərbaycandakı səfirliyinin rəsmi saytında məlumat verilir.

Bir gün əvvəl İran İslam Respublikasının prezidenti Mahmud Əhmədinejat Tehranda bir sıra ölkələrə təyin edilmiş səfirlərlə, o cümlədən M.Ayin ilə görüşüb.Bu barədə İran XİN-in rəsmi saytı məlumat yayıb.

Dövlət başçısı İranın bu ölkələrlə ikitrərəfli əlaqələrinin inkişafının vacibliyini vurğulayaraq, diplomatlara tövsiyə verib.

Azərbaycana səfir təyin edilənə qədər M.Ayin İran XİN-in Əfqanıstan üzrə Departamentinin rəhbəri , müxtəlif illərdə Zambiya, Özbəkistan və Tailandda İranın səfiri vəzifəsində çalışıb.

M.Ayin bu vəzifədə diplomatik missiyası bu ilin yayında başa çatmış Məhəmmədbağır Bəhramini əvəz edəcək.