Azərbaycanlı həkimlər rusiyalı mütəxəssislərin təşkil etdiyi elmi-praktiki kurslarda iştirak edirlər. Bu barədə “İnterfaks-Azərbaycan” agentliyinə Səhiyyə Nazirliyindən məlumat verilib.

Belə ki, Əziz Əliyev adına Azərbaycan Dövlət Həkimləri Təkmilləşdirmə İnstitutunda azərbaycanlı müdavimlər üçün Rusiya Federasiyasının Diplomdan sonrakı Tibb Akademiyasının mütəxəssislərinin iştirakı ilə kurslar keçirilir.

Kurslar rentgenologiya, neonatologiya, terapiya və uşaq cərrahiyyəsi üzrə təşkil olunub.

Tədbir Azərbaycan Respublikasının Səhiyyə Nazirliyi ilə Rusiya Federasiyasının Diplomdan sonrakı Tibb Akademiyası arasında imzalanmış saziş çərçivəsində keçirilir.