Milli Məclisin cümə günü keçirilən plenar iclasında bir sıra ikitərəfli sazişlər təsdiq edilib.

Azərbaycan və Monteneqro arasında dostluq və tərəfdaşlıq haqqında bəyannamə deputatların səs çoxluğu ilə təsdiq edilib. Bu barədə “İnterfaks-Azərbaycan” agentliyinin parlament müxbiri məlumat verir.

Bundan başqa, parlament tərəfindən “Azərbaycan Respublikası Hökuməti və Monteneqro Hökuməti arasında gəlirlərə görə vergilərə münasibətdə ikiqat vergitutmanın aradan qaldırılması və vergidən yayınmanın qarşısının alınması haqqında” Konvensiya və onun tərkib hissəsi hesab edilən Protokol, “Azərbaycan Respublikası Hökuməti və Monteneqro Hökuməti arasında beynəlxalq kombinə edilmiş daşımalar haqqında” Saziş və “Azərbaycan Respublikası və Xorvatiya Respublikası arasında strateji tərəfdaşlıq və dostluq münasibətləri haqqında” Zaqreb Bəyannaməsi təsdiq edilib.