Bakının uşaq evlərində şagirdlərə görkəmli Azərbaycan bəstəkarı Üzeyir Hacıbəylinin “Arşın mal alan” operettası nümayiş etdiriləcək. Bu barədə “İnterfaks-Azərbaycan” agentliyinə “İçərişəhər” Dövlət Tarix-Memarlıq Qoruğu İdarəsindən məlumat verilib.

Tamaşa 18-20 sentyabr tarixlərində 1, 2, 11 və 12 saylı uşaq evlərinin şagirdləri üçün “İçərişəhər” Dövlət Tarix-Memarlıq Qoruğu İdarəsinin Marionet teatrı tərəfindən təqdim ediləcək.

“Arşın mal alan" operettası tamaşanın rejissoru, Marionet teatrının yaradıcısı Tərlan Qorçunun bədii rəhbərliyi ilə teatrın əsas aktyor heyətinin (A.Mustafayev, E.Mirzəyev, E.Abbaslı, Ş.Buksayev, R.Həsənov) ifasında təqdim edilib.

Personajlar Xuraman Qasımova, İlqar Muradov, Səyavuş Aslan, Zərnigar Atakişiyeva, Ramiz Məlikov, Məlahət Abbasova, Nuriyyə Əhmədova, Yasin Qarayev kimi sənətkarların səsi ilə oxuyub-danışırlar.

A.Zeydullayeva