Dövlət Məşğulluq Xidməti çərşənbə günü Bakının Qaradağ rayonunda Əmək yarmarkası keçirəcək. Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsindən məlumat verilib.

Tədbirdə 22 müəssisə üzrə 300-dən artıq vakant iş yeri işsiz və işaxtaran vətəndaşlara təqdim olunacaq.

Cari ilin əvvəlindən DSX ölkənin 59 rayon və şəhərində Əmək yarmarkaları təşkil edib. Əmək yarmarkalarında 5711 nəfər vətəndaşa boş iş yerlərinə göndəriş verilib ki, onlardan 84,5%-i və ya 4,83 min nəfəri müvafiq işlə təmin olunub. 369 nəfər peşə hazırlığına, 204 nəfər ödənişli ictimai işlərə cəlb edilib.

R.Babayev