Polşanın Bakıdakı yeni səfiri Marek Tsalka etimadnaməsini Azərbaycan prezidenti İlham Əliyevə təqdim edib. Bu barədə cümə günü rəsmi mətbuat məlumat verir.

Söhbət zamanıprezidentİ.Əliyev iki ölkə arasında əməkdaşlığın müxtəlif sahələrdə uğurla inkişaf etdiyini bildirib. O, siyasi, iqtisadi, enerji, humanitar, beynəlxalq təşkilatlar, o cümlədən Avropa İttifaqı çərçivəsində əməkdaşlığın və digər sahələrdə əlaqələrin daha da genişləndirilməsi üçün yaxşı imkanların olduğunu qeyd edib. Bundan başqa, dövlət başçısı Polşa və Azərbaycan şirkətlərini birgə layihələrdə daha fəal iştiraka çağırıb.

Öz növbəsində M.Tsalka iki ölkə arasında əməkdaşlığın genişləndirilməsi işində səylərini əsirgəməyəcəyinə söz verib.

F.Hüseynzadə