Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidməti 2015-ci ilin III rübündə Quba və Xaçmaz rayonlarında daşınmaz əmlakın kütləvi qiymətləndirilməsini aparacaq. Bu barədə komitə sədrinin müavini Rafiq Cəlilov cümə axşamı layihənin təqdimatında söyləyib.
“Gələcəkdə belə qiymətləndirmə bütün ölkə ərazisində aparılacaq”, - deyə R.Cəlilov söyləyib.
Daşınmaz əmlakın kütləvi qiymətləndirilməsi üzrə ilk pilot layihə Sumqayıt şəhərində həyata keçirilib.
O söyləyib ki, bu layihə üzrə toplanmış məlumat bazası bu ilin sonunadək fəaliyyətə başlayacaq. Bu sistemdən dövlət strukturları, özəl şirkətlər və sadə vətəndaşlar istifadə edə biləcəklər.
Təqdimatda qeyd olunub ki, son 5 ildə Azərbaycanda 170 min daşınmaz əmlak qiymətləndirilib, hər ay sistemə 5 mindən çox obyekt üzrə məlumat daxil edilir.
“Daşınmaz əmlakın qiymətləndirilməsi sosial subsidiyalar, ipoteka, sığorta, daşınmaz əmlaka investisiyaların qoyuluşu və s. sahələr üçün mühüm əhəmiyyət kəsb edir”,- deyə R.Cəlilov qeyd edib.
Daşınmaz əmlakın kütləvi qiymətləndirilməsi layihəsi Dünya Bankının maliyyələşdirdiyi “Daşınmaz əmlakın qeydiyyatı” layihəsinin komponentlərindən biridir.
Xəbər verildiyi kimi, 2007-ci ilin mart ayında DB-nin Direktorlar Şurası Azərbaycana “Daşınmaz əmlakın qeydiyyatı” layihəsi üzrə $30 mln. məbləğində kreditin ayrılmasını təsdiq edib. Layihənin məqsədi daşınmaz əmlak bazarının dəstəklənməsi və daşınmaz əmlakın etibarlı, şəffaf və səmərəli qeydiyyatı sisteminin formalaşdırılmasıdır. Layihənin reallaşdırılması üçün daha $8 mln. Azərbaycan hökuməti tərəfindən ayrılacaq.
Layihə dörd komponenti özündə birləşdirir. Birinci komponent daşınmaz əmlakın qeydiyyatıdır və məqsədi avtomatlaşdırılmış sistemlərin və onlayn xidmətlərin qurulması vasitəsilə daşınmaz əmlak üzərində hüquqların qeydiyyatı sahəsində daha səmərəli və sərfəli müştəri xidmətlərinin göstərilməsindən ibarətdir. İkinci komponent dövlət əmlakının idarə edilməsi ilə bağlıdır. Avtomatlaşdırılmış əmlak qeydiyyatı və dövlət əmlakının idarəetmə sistemləri üçün baza geodeziya, xəritə və kadastr məlumatlarının təmin edilməsi layihənin üçüncü komponentini əhatə edir. Dördüncü komponent təlim siyasətinin formalaşdırılması və layihənin idarə olunması məsələsinə aiddir.
A.Axundov
SİF və “Bank Respublika”nın dəstəyilə Şuşada sahibkarlıq subyekti fəaliyyətə başladı!
Norm Sement zavodunda “İstehsalat Təcrübəsi Proqramı”nın bağlanış mərasimi keçirilib
Ali Məclisin təkmilləşdirilmiş yeni rəsmi internet saytı istifadəyə verilib
Neftçala rayonunda abadlıq işlərinə 1,6 milyon manatdan artıq vəsait yönəldiləcək
Gədəbəy Rayon İH yolların əsaslı təmirinə 1 milyon manata yaxən vəsait yönəldəcək
İstanbul və Ankaranın hazırkı müxalifətçi merləri seçkilərdə öz şəhərlərində liderdir
İsrail hökuməti HƏMAS ilə danışıqlarda Qətərin vasitəçiliyindən məyus olub
Roma Papası Rusiya və Ukraynanı bütün hərbi əsirlərin mübadiləsinə çağırır
Yelo Bank 2024 ildə mənfəəti minimun 20% artırmaq planlaşdırır
İlkin Quliyev: “AccessBank” 2025-ci ilədək depozit portfelini 1,1 milyard manata çatdıracaq
Ağacanov: “Əliyev güclü liderdir, ona təzyiq göstərmək çətindir”
Yelo taksit kartı ilə təhsil xərclərini qarşıla!
AccessBank-dan Google Pay istifadəçilərinə keşbek kampaniyası
İyunda Bakıda “Caspian Oil&Gas” Neft-Qaz Sərgisi keçiriləcək
Oktyabrda Azərbaycanda “ICCA Venue Business Workshop International 2024” keçiriləcək
Unikal 2023-cü il: Qarabağ düyünü açıldı
Azərbaycanın neft-qaz sərvətləri dünyanın ən ekoloji cəhətdən təmiz və ucuz ehtiyatlarından biridir
İşğaldan azad olunmuş torpaqlarda işləmək şərəf, namus məsələsidir – usta ilə söhbət