Milli Məclisin vitse-spikeri Bahar Muradovanın başçılıq etdiyi parlament nümayəndə heyəti iyunun 4-dən 5-dək Parisdə “Azad seçki hüququnun həyata keçirilməsi: seçki qanunvericiliyinin tətbiqində çağırışlar və Avropa Şurası standartlarına əməl edilməsi” mövzusunda parlament konfransında iştirak edəcək.

Milli Məclisin mətbuat xidmətinin məlumatına görə, nümayəndə heyətinə deputatlardan Azay Quliyev, Asim Mollazadə və Sahibə Qafarova daxildirlər.

Avropa Şurası Parlament Assambleyasının təşkilatçılığı ilə keçiriləcək bu iclasda seçki kampaniyaları və inzibati resurslardan istifadə, seçki siyahılarında qeyri-dəqiqliklər və xaricdə yaşayan vətəndaşların səsverməsində çətinliklər, seçki komissiyalarının fəaliyyəti və digər mövzular müzakirə olunacaq.

R.Babayev