2016-cı il avqustun 1-nə əhalinin bank əmanətləri 7 mlrd. 843,8 mln. manat təşkil edib. Bu barədə “İnterfaks-Azərbaycan” agentliyinə Mərkəzi Bankdan (AMB) məlumat verilir.

Xəbər verildiyi kimi, 2015-ci ilin sonuna əhalinin bank əmanətləri 9 mlrd. 473,9 mln. manat təşkil edib. Beləliklə, 2016-cı ilin yanvar-iyul aylarında əhalinin bank əmanətləri 17,2% azalıb.

Cari ilin iyul ayında əhalinin əmanətlərində artım müşahidə olunub. Xüsusilə hesabat aylarında əhalinin bank əmanətləri 28,2 mln. manat və ya 0,36% artıb.

2015-ci ildə Azərbaycanda əhalinin bank əmanətləri manatın iki dəfə devalvasiyası nəticəsində 33,6% artıb.

A.Əzizov