İndoneziya Respublikasının prezidenti Coko Vidodo həmkarı İlham Əliyevi münasib tarixdə İndoneziyaya səfər etməyə dəvət edib.

C.Vidodo İndoneziya Respublikası ilə Azərbaycan Respublikası arasında diplomatik əlaqələrin qurulmasının 25-ci ildönümü münasibətilə İ.Əliyevə təbrik məktubu göndərib.

“Mən dərindən inanıram ki, mövcud əməkdaşlığımızı daha yüksək səviyyəyə qaldırmaq üçün birgə səylərimizi davam etdirəcəyik. Bunun üçün Zati-alinizin hər iki tərəfə münasib tarixdə İndoneziyaya səfər etməsindən şərəf duyardım. Mən əminəm ki, Sizin səfəriniz xalqlarımızın mənafeyi naminə İndoneziya ilə Azərbaycan arasındakı səmimi əməkdaşlığın daha da inkişaf etməsinə yol açacaqdır”, - deyə təbrik məktubunda qeyd olunur.

Prezident C.Vidodo bildirib ki, İndoneziya Azərbaycan ilə müxtəlif sahələr üzrə yaxın əməkdaşlığın davam etdirilməsində qərarlıdır.*

F.İsazadə