İpoteka və Kredit Zəmanət Fondu (İKZF) tərəfindən kiçik və orta sahibkarlara verilən kreditlər üzrə zəmanətlərin həcmi 46,859 mln. manat məbləğində qiymətləndirilir.

Fondun mətbuat xidmətinin məlumatına görə, 2019-cu ilin yanvar-noyabr aylarında verilən kreditlər üzrə zəmanətlərin həcmi 29,33 mln. manat təşkil edib.

İKZF kreditlər üzrə zəmanətlərin verilməsinə 2018-ci ilin iyun ayında başlayıb. Ötən ilin sonuna kiçik və orta sahibkarlara verilən kreditlər üzrə zəmanətlər 17,5 mln. manat məbləğində qiymətləndirilib.

Xəbər verildiyi kimi, “Fitch” beynəlxalq reytinq agentliyi 2019-cu ildə zəmanətlərin həcminin 265 mln. manatadək artacağını gözləyir.

Şərtlərə görə, fond 30 min manatdan 3 mln. manatadək məbləğdə olan kreditlərə zəmanət verə bilər. Bu halda kreditin müddəti 7 ildən, kredit üzrə güzəştli dövr isə 2 ildən çox olmamalıdır.

Prezident İlham Əliyev 2017-ci il dekabrın 26-da “Azərbaycan İpoteka Fondu” ASC-nin ləğv edilməsi və İpoteka və Kredit Zəmanət Fondunun yaradılması haqqında fərman imzalayıb. Fondun elan olunmuş nizamnamə kapitalı 566 mln. manat təşkil edir.**

Ə.Məmmədov