2020-ci ilin yanvar-sentyabr aylarında “Günay Bank”ın aktivləri 7,5% - 231 milyon 839,98 min manatadək artıb. Bu barədə “İnterfaks-Azərbaycan” agentliyinə bankdan məlumat verilib.

Bankın kredit portfeli 179 milyon 548,62 min manat (artım 13%), o cümlədən biznes kreditləri 116 milyon 457,31 min manat (azalma 0,03%) təşkil edib.

Sentyabrın sonuna bankın öhdəlikləri 167 milyon 56,7 min manata (artım 10,4%), depozitləri 85 milyon 174,18 min manata (artım 4,4%), o cümlədən əhalinin əmanətləri 71 milyon 151,77 min manata (artım 10,7%) bərabərdir.

2020-ci il sentyabrın 30-na “Günay Bank”ın kapitalı 64 milyon 783,29 min manat (artım 0,6%) nizamnamə kapitalı 64 milyon 910,093 min manat (dəyişməyib) təşkil edir.

Hesabat dövrünün yekunları üzrə bankın xalis mənfəəti 246,84 min manat təşkil edib ki, bu da 2019-cu ilin analoji dövrünün göstəricisindən 75,6% azdır.

“Günay Bank” ASC 1992-ci ildə fəaliyyət üçün lisenziya alıb. Bankın səhmdarları 7 fiziki şəxsdir.*

Ə.Məmmədov