Mənzil İnşaatı Dövlət Agentliyinə məxsus “MİDA” MMC Hövsan qəsəbəsinin qərb hissəsində 18,81 ha ərazidə inşa ediləcək yaşayış kompleksində məktəb binasının tikintisinə 9,1 milyon manatdan artıq vəsait yönəldəcək.

www.tender.gov.az saytının məlumatına görə, bu məqsədlə İdeal TM MMC (NN Group MMC konsorsium) ilə müqavilə bağlanıb. Podrat işlərinə 1920 şagird yerlik orta məktəb binasının qazanxana ilə birlikdə tikintisi, avadanlıqlarla təchiz edilməsi və məktəb ərazinin abadlaşdırılması daxildir.

Müqavilənin dəyəri – 9 milyon 114,587 min manatdır.

Yaşayış kompleksi Hövsan qəsəbəsinin qərb hissəsində 18,81 ha ərazidə inşa olunacaq.

Hazırda MİDA Yasamal rayonunda 2, Hövsan qəsəbəsində 1 yaşayış kompleksinin tikintisini həyata keçirir, eləcə də Sumqayıt və Gəncədə yaşayış komplekslərinin tikintisi layihələrinin reallaşdırılmasına başlayıb.**

Ə.Məmmədov