2021-ci il fevralın 1-dək Azərbaycan Ordusuna Yardım Fonduna $136,3 milyona yaxın vəsait daxil olub. Bu barədə Müdafiə Nazirliyinin məlumatında deyilir.

“Azərbaycan Ordusuna Yardım Fonduna cari il fevralın 1-dək 212 milyon 156,968 min manat (cari məzənnə ilə təxminən $124,798,216 milyon), $11 milyon 176 min 390,65, 183,484 min avro, 593 min 924,33 türk lirəsi (cari məzənnə ilə $4,4 min), 1.844,72 ingilis funt sterlinqi və 5 milyon 398,55 min rubl vəsait daxil olub”, - məlumatda bildirilir.

Prezident İlham Əliyev 2020-ci il dekabrın 8-də “Azərbaycan Respublikasının Silahlı Qüvvələrinə Yardım Fondunun yaradılması haqqında” 17 avqust 2002-ci il tarixli fərmanın ləğv edilməsi və “Azərbaycan Ordusuna Yardım Fondunun yaradılması haqqında” fərman imzalayıb.**

X.Nəsirzadə