Azərbaycan yaxın zamanda İçvecdə səfirini təyin edəcək. Bu barədə Azərbaycanın xarici işlər naziri Ceyhun Bayramov bəyan edib.

“Azərbaycanla İsveç arasında münasibətlər uğurla inkişaf edir. Burada qarşılıqlı səfərlər böyük rol oynayır. Ötən il İsvreçin Azərbaycanda ilk səfiri təyin olunub. Yaxın zamanda Azərbaycanın İsçevdə səfiri təyin ediləcək”, - Bayramov bu gün ATƏT-in fəaliyyətdə olan sədri, İsveçin xarici işlər naziri Ann Linde ilə brifinqdə bildirib.

İsveç ilə ikitərəfli münasibətlərin inkişafı barədə söz açan Bayramov ticarət dövriyyəsi və qarşılıqlı investisiyaların genişləndirilməsi imkanını qeyd edib.

“O cümlədən, Trans-Avrasiya yüjk və kommunikasiya marşrutlarının şaxələndirilməsi və genişləndirilməsi İsveç üçün maraqlı ola bilər. Bundan başqa, son illər ərzində Azərbaycan bərpaolunan enerji mənbələrinə xüsusi diqqət ayırır, İsveç isə bu sahədə dünya liderlərindəndir. Beləliklə, bu sahə həmçinin əməkdaşlıq üçün maraqlı və perspektivli ola bilər”, - Bayramov qeyd edib. **

Ə.Məmmədob