2021-ci ilin yanvar-noyabr aylarında Sumqayıt Kimya Sənaye Parkında 1,9 milyard manatlıq məhsul istehsal olunub. Bu barədə İqtisadiyyat Nazirliyi məlumat verir.

2021-ci ilin yanvar-noyabr ayları ərzində SKSP-nin rezidentləri tərəfindən 1,9 milyard manatlıq məhsul istehsal olunub, 764 milyon manatlıq ixrac həyata keçirilib. Bütövlükdə bu dövr ərzində SKSP-də 4,4 milyard manatlıq məıhsul istehsal edilib, bunun 1,5 milyard manatı ixarcın payına düşüb (34%).

Hazırda Parkın 25 rezidentindən 17-si fəaliyyətə başlayıb. SKSP-nin rezidentlərinin sərmayələri $3 milyard təşkil edib və 5,7 minə yaxın şəxs daimi iş yerləri ilə təmin olunub.

Sumqayıt Kimya Sənaye Parkı ölkədə innovativ və yüksək texnologiyalar əsasında rəqabət qabiliyyətli sənaye istehsalının inkişafı üçün münbit şəraitin formalaşdırılması, bu sahədə sahibkarlığın dəstəklənməsi, qeyri-neft sektorunun davamlı inkişafının təmin edilməsi və əhalinin istehsal sahəsində məşğulluğunun artırılması məqsədilə yaradılıb.

Sumqayıt Kimya Sənaye Parkının ərazisində neft-kimya və digər prioritet sənaye sahələri üzrə rəqabət qabiliyyətli məhsulların (işlərin, xidmətlərin) istehsalı və emalı müəssisələri fəaliyyət göstərir. **

B.Rüstəmbəyov