İqtisadiyyat naziri Mikayıl Cabbarov məlumat verib ki, birinci yarımilliyin yekunları üzrə ölkədə inflyasiya 12,9% təşkil edib.

“Cari ilin yanvar-iyun aylarında inflyasiya 12,9% təşkil edib, o cümlədən qida məhsulları üzrə qiymət indeksi 19% artıb”, - Cabbarov cümə günü Azərbaycan prezidenti İlham Əliyevin sədrliyi ilə bu ilin altı ayının yekunlarına həsr olunan müşavirədə bildirib.

Nazir qeyd edib ki, hökumət prezidentin tapşırıqlarına əsasən, ölkədə antiinflyasiya siyasəti üzrə xüsusi tədbirlər planını təsdiqləyib və hazırda onun icrası həyata keçirilir.

2021-ci ildə Azərbaycanda orta illik inflyasiya 6,7% təşkil edib.

İqtisadiyyat Nazirliyinin yenilənmiş məlumatarına əsasən, 2022-ci ildə Azərbaycanda orta illik inflyasiya 12,5% təşkil edəcək. **

R.Əhmədov